Kunstkollektivet Alt Går Bra inviterar publikum til ein uformell panelsamtale rundt det unike fenomenet Strandamåleri – amatørlandskapsmåleri frå Lindås på 1950-tallet.
I forlenging av utstillinga "Kunst i dei tusen heimar" arrangerar Alt Går Bra, saman med Forskergruppen Samtidsestetikk ved UiB, eit fagseminar med forskarar frå UiB, UiT og Universitetet Sorbonne, samt kuratorar fra NNKS og Kode, og andre fagpersonar frå feltet. Fenomenet Strandamåleri har endeleg fått gjennomslag hjå akademikarar, både i Noreg og i utlandet, som no er i ferd med å forfatte boka "Strandamalerne – Norges mest populære malerier". Boka vert redigert av Alt Går Bra og gitt ut på Museumsforlaget i 2024.
Seminaret vil også ha ein sesjon som vert open for publikum. Her er alle velkomne til å delta i ein samtale rundt Alt Går Bra sitt kunstnarlege utviklingsarbeid knytta til denne utstillinga. Få eit innblikk i kunstnarlege metodar og prosessar som ligg bak og undersøkingane om Strandamåleria. Kva seier akademikarane om fenomenet og Strandamålarane sin produksjon av "kunst på samleband"? Korleis brukar Alt Går Bra kunst til å reflektere og kommunisere rundt Strandamåleri som fenomen - og omvendt, og kvifor brukar dei publikumsinvolvering som ein viktig metode i sin kunstpraksis?
Deltakarar i panelet:
Agnes Nedergard og Branko Boero Imwinkelried (Alt går bra)
Tonje Haugland Sørensen (Universitet i Bergen)
Hans Marius Hansteen (Universitetet i Bergen)
Frode Sandvik (Kode)
Hanne Hammer-Stien (Universitet i Tromsø – Noregs arktiske universitet)
Frèdérique Toudoire-Surlapierre (Sorbonne universitetet)
Alessandra Ballotti (Sorbonne universitetet)
Adriana Alves (Nordnorsk kunstsenter)
Arrangementet er gratis og vil føregå på engelsk.
