Vi inviterer til tre dagar med påskekrim, aktivitetar og påskestemning!
Desse dagane kan du
Lage påskekyllingar av klesklyper.
Veve, fargelegge, teikne og spele brettspel.
Løyse påskekrimmen "Mysteriet om den forsvunne stabbursosten" Hjelp musa Pia med å finne ostetjuven! Krimmen er ein del av tilboda desse dagane, og det vankar ein liten premie til dei som løyser den. Hendvend deg i resepsjonen, så set vi deg igang!
Utstillinga "Skakke folkedrakter" er som vanleg open, men siste sjanse for å sjå den er 27. mars!
I utstillinga finn du fleire interaktive stasjonar der du kan spele støymusikk, flette band og teste dine haldningar om bruk av bunad og gákti.
I museumsbutikken finn du bøker, leiker og gåveartiklar. Her får du også kjøpt deg kaffi, brus og nysteikte vaflar.
Og visste du at alle born går gratis? For vaksne kostar inngangsbilletten 120kr.
Har du lyst til å besøke oss fleire gonger i år, kjøp gjerne eit årskort!
Velkomen til påskedagar hos oss!